پی ٹی آئی کی سیاسی کمیٹی میں مزید دو ارکان شامل، نوٹیفکیشن جاری

پاکستان تحریک انصاف کی سیاسی کمیٹی میں مزید توسیع کردی گئی ہے۔ پارٹی کے سیکریٹری جنرل سلمان اکرم راجہ نے اس حوالے سے باقاعدہ نوٹیفکیشن جاری کردیا ہے۔

پارٹی اعلامیے کے مطابق سیاسی کمیٹی میں سینیٹر نور الحق قادری اور سنی اتحاد کونسل کے قائم مقام چیئرمین صاحبزادہ حسن رضا کو شامل کیا گیا ہے۔

نوٹیفکیشن سیکریٹری جنرل سلمان اکرم راجہ کے دستخطوں سے جاری کیا گیا، جس کے بعد دونوں رہنما باضابطہ طور پر سیاسی کمیٹی کا حصہ بن گئے ہیں۔