صدرزرداری سے وزیراعظم کی ملاقات، پاک ایران مذاکرات کے تمام پہلوؤں پر اعتماد میں لیا

وزیراعظم شہبازشریف نےایوان صدرمیں  صدر مملکت آصف زرداری سے ملاقات کی اور امریکا ایران مذاکرات کے تمام پہلوؤں پر اعتماد میں لیا۔

وزیراعظم نے صدرمملکت کو مذاکرات کے مختلف مراحل پرتفصیلی بریفنگ دی ۔ وزیراعظم نے پاکستان کی ثالثی کے ذریعے حاصل پیش رفت پر بریفنگ بھی دی اور  صدرمملکت کو اپنے سعودی عرب اورترکیے کے آنے والے دوروں سے بھی آگاہ کیا۔

اس موقع پر صدرآصف علی زرداری  نے کہا کہ جنگ کے اثرات خطے اور بین الاقوامی سیکیورٹی کے ساتھ ساتھ  معیشت اور سیاست پر ہوئے ہیں۔

صدرمملکت نے ایران امریکا مذاکرات کی میزبانی کے لیے پاکستان کی انتھک کوششوں اور وزیراعظم ، فیلڈ مارشل اور تمام ریاستی اداروں کی کاوشوں کو سراہا۔

صدرمملکت نے کہا کہ پاکستان نے ایک ذمہ داراورکلیدی ریاست کے طورپراپنی حیثیت کو مزید مستحکم کیا ہے، پاکستان نے دنیا کے سامنے اپنی امن پسندی کی ساکھ کو ثابت کیا ہے۔

ان کا کہنا تھا کہ وزیراعظم  اورنائب وزیراعظم امریکا ایران اورعلاقائی،عالمی طاقتوں کے ساتھ رابطے میں رہیں۔  رابطوں سے امن عمل کے تسلسل اورعلاقائی ہم آہنگی کو یقینی بنایا جاسکتا ہے۔