پاور سیکٹر ملازمین کی مفت بجلی ختم، وزیر توانائی اویس لغاری کا عدالت کے فیصلے کا خیرمقدم

وفاقی وزیر برائے پاور ڈویژن سردار اویس لغاری نے پاور سیکٹر کے ملازمین کے لیے مفت بجلی کے یونٹس کی سہولت ختم کرنے سے متعلق لاہور ہائیکورٹ کے فیصلے کا خیرمقدم کیا ہے۔ سماجی رابطے کی ویب سائٹ ایکس (ٹویٹر) پر جاری کردہ اپنے ایک پیغام میں انہوں نے اس فیصلے کو عوامی مطالبے کی جیت اور ملکی تاریخ کی ایک بڑی اصلاح قرار دیا۔

اویس لغاری کا کہنا تھا کہ ملکی تاریخ میں پہلی بار وزیراعظم شہباز شریف کی قیادت میں پاور سیکٹر کے اہلکاروں کو ملنے والے مفت یونٹس کا خاتمہ کیا گیا ہے۔ انہوں نے بتایا کہ معزز عدالت نے اس ضمن میں پاور ڈویژن کی عرضی کو قبول فرمایا ہے، جو کہ ملکی معیشت اور توانائی کے شعبے میں شفافیت لانے کی جانب ایک اہم قدم ہے۔

وزیر توانائی نے مزید کہا کہ فری یونٹس کا خاتمہ عوام کا ایک دیرینہ اور جائز مطالبہ تھا، اور اللہ تعالیٰ نے اس عوامی مطالبے کو پورا کرنے کا اعزاز موجودہ حکومت کو عطا فرمایا ہے۔ انہوں نے اس عزم کا اعادہ کیا کہ حکومت مستقبل میں بھی ہر وہ قدم اٹھائے گی جو ملک اور قوم کی اجتماعی بہتری اور معاشی استحکام کے لیے ضروری ہوگا۔

پاور سیکٹر ملازمین کی مفت بجلی ختم، وزیر توانائی اویس لغاری کا عدالت کے فیصلے کا خیرمقدم

Web Desk

متعلقہ عنوانات

سٹاک مارکیٹ میں اتار چڑھاؤ، ہنڈرڈ انڈٰیکس منفی زون میں بند ہوا

افغانستان سے ملکر دہشتگرد حملہ آور ہوتے ہیں، خاتمے تک جنگ جاری رہے گی: شہباز شریف

نیشنل ایکشن پلان کی ایپکس کمیٹی کا اجلاس، وزیراعظم اور فیلڈ مارشل عاصم منیر شریک

مقدمہ جھوٹا اور بے بنیاد ہے، جیل بھیجنا ہے تو بھیج دیں؛ راولپنڈی عدالت کے باہر علیمہ خان کی گفتگو

صادق آباد احتجاج کیس: علیمہ خان کے صفائی کے گواہ کا بیان ریکارڈ

اینکر مرید عباس سمیت 2 افراد کا قتل کیس، عاطف زمان کو 2 بار سزائے موت کا حکم