وزیراعظم شہباز شریف آج دورہ سعودی عرب متوقع ؛ ایک ماہ میں دوسرا دورہ

وزیراعظم شہبازشریف کا اہم دورہ سعودی عرب آج متوقع ہے۔۔ وزیراعظم سعودی ولی عہد محمد بن سلمان کی دعوت پرسعودی عرب کا دورہ کریںگے۔۔ ذرائع کے مطابق سعودی عرب میں وزیراعظم شہبازشریف کی سعودی ولی عہد سے اہم ملاقات متوقع ہے۔ ایک ماہ سے بھی کم عرصے میں یہ وزیراعظم کا دوسرا دورہ ہوگا۔ دورے میں امریکا اورایران کے درمیان جاری مذاکرات کے آئندہ لائحہ عمل پرتبادلہ خیال کیا جائے گا۔۔ خطے میں کشیدگی میں کمی اورمستقل جنگ بندی کے امکانات بھی زیرغورآئیں گے۔ مشرق وسطیٰ کی موجودہ صورتحال، خطے میں امن واستحکام اورپاکستان کے سفارتی کردارپربھی بات چیت متوقع ہے۔ دونوں ممالک کے درمیان دوطرفہ تعلقات کو مزید مضبوط بنانے کے اقدامات پر بھی غورکیا جائے گا۔ ذرائع کے مطابق وزیراعظم شہبازشریف کے سعودی عرب کے بعد ترکیہ اورقطرکے دورے بھی متوقع ہیں۔۔