مشرقِ وسطیٰ میں کشیدگی: وزیراعظم شہباز شریف کا پیٹرولیم ذخائر کا جائزہ اجلاس؛ ملک میں تیل کی بلا تعطل فراہمی یقینی بنانے کی ہدایت
Web Desk
13 April 2026
وزیراعظم محمد شہباز شریف کی زیرِ صدارت مشرقِ وسطیٰ میں بڑھتی ہوئی کشیدگی کے تناظر میں ملک میں پیٹرولیم مصنوعات کے ذخائر اور سپلائی چین کے حوالے سے ایک اہم جائزہ اجلاس منعقد ہوا۔ وزیراعظم نے متعلقہ حکام کو ہدایت کی کہ ملک میں تیل کی کھپت کی مستقل نگرانی جاری رکھی جائے تاکہ کسی بھی ہنگامی صورتحال سے مؤثر طریقے سے نمٹا جا سکے۔ وزیراعظم نے اطمینان کا اظہار کرتے ہوئے کہا کہ بہتر حکمتِ عملی اور مسلسل مانیٹرنگ کی بدولت خطے میں جاری بحران کے باوجود پاکستان میں تیل کی کمی کا کوئی مسئلہ پیدا نہیں ہوا۔
اجلاس کے دوران وزیراعظم کو بریفنگ دی گئی کہ ملک میں پیٹرولیم مصنوعات کی مناسب مقدار موجود ہے، تاہم بچت کے لیے قومی سطح پر کفایت شعاری کی پالیسی کو برقرار رکھنا ضروری ہے۔ حکام نے آگاہ کیا کہ مستقبل کی ضروریات کو مدنظر رکھتے ہوئے تیل کی درآمد کے لیے تمام انتظامات پہلے ہی مکمل کیے جا چکے ہیں۔ وزیراعظم نے دو ٹوک الفاظ میں کہا کہ حکومت کی جانب سے عوام کو ریلیف فراہم کرنے کے لیے اٹھائے گئے اقدامات ہر صورت جاری رہیں گے اور عالمی سطح پر قیمتوں کے اتار چڑھاؤ کا بوجھ عام آدمی پر نہیں پڑنے دیا جائے گا۔
اس اہم اجلاس میں نائب وزیراعظم و وزیر خارجہ محمد اسحاق ڈار، وفاقی وزیر اقتصادی امور احد چیمہ، وزیر پیٹرولیم علی پرویز ملک، وفاقی وزیر اطلاعات عطا اللہ تارڑ اور متعلقہ اداروں کے اعلیٰ افسران نے شرکت کی۔ وزیراعظم نے پیٹرولیم ڈویژن کو ہدایت کی کہ وہ بین الاقوامی منڈی کی صورتحال پر گہری نظر رکھیں اور اسٹاکس کی دستیابی کو ہر وقت برقرار رکھیں۔ اجلاس میں اس عزم کا اعادہ کیا گیا کہ حکومت توانائی کے تحفظ اور معاشی استحکام کے لیے تمام دستیاب وسائل بروئے کار لائے گی۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026