انطالیہ میں وزیراعظم سے امریکی صدرکے سینئر مشیرکی ملاقات

ترکی کے شہرانطالیہ میں وزیراعظم شہباز شریف سے امریکی صدر کے سینئر مشیربرائے مشرق وسطیٰ مسعد بولس کی ملاقات ہوئی۔ملاقات میں اسلام آباد مذاکرات اور علاقائی امن کی صورتحال پر تفصیلی تبادلہ خیال ہوا۔ پاکستان اور امریکہ کے درمیان اقتصادی اور تجارتی تعلقات مزید مضبوط بنانے پر زور دیا گیا

امریکی مشیر نے علاقائی استحکام کے لیے پاکستان کی تعمیری کوششوں کا اعتراف بھی کیا،دہشت گردی کے خاتمے اور معاشی ترقی کے لیے پاک امریکہ تعاون جاری رکھنے کا اعادہ کیا گیا۔

وزیراعظم نے امریکی صدر ڈونلڈ ٹرمپ کے لیے نیک خواہشات کا اظہارکرتے ہوئے ان سے اپنی اپنی سابقہ ملاقاتوں کو خوشگوار قرار دے دیا۔وزیر اعظم شہباز شریف نے کہا کہ صدر ٹرمپ کی جرات مندانہ قیادت نے پاک بھارت جنگ کا خطرہ ٹالا۔