جنگ بندی کی خلاف ورزیاں امن عمل کی روح کو متاثرکر رہی ہیں، وزیراعظم شہبازشریف

وزیراعظم شہباز شریف  نےکہا ہےکہ  سیز فائر کی  خلاف ورزیاں امن عمل کی روح کو متاثر کر رہی ہیں، تمام فریقوں سے مخلصانہ درخواست ہےکہ تحمل کا مظاہرہ کریں۔

سوشل میڈیاپربیان میں وزیراعظم شہباز شریف کا کہنا تھا کہ  جنگ زدہ علاقے میں بعض مقامات  پر سیز فائر کی خلاف ورزی کی اطلاعات دی گئی ہیں، سیز فائر کی یہ خلاف ورزیاں امن عمل کی روح کو متاثر کر رہی ہیں۔

وزیراعظم شہباز شریف کا کہنا تھا  تمام فریقوں سے مخلصانہ درخواست ہےکہ تحمل کا مظاہرہ کریں اور دو ہفتوں کی سیز فائرکا احترام کریں، تاکہ سفارت کاری کو آگے بڑھنے اور تنازع کے پرامن حل کی راہ ہموار کرنے کا موقع مل سکے۔وزیراعظم نے اپنی پوسٹ میں امریکی اور ایرانی قیادت کو بھی ٹیگ کیا۔