وزیراعظم سے بحرین کے فرمانروا کا رابطہ، جنگ بندی کرانے پر خراج تحسین

وزیراعظم شہبازشریف اور بحرین کے بادشاہ کے درمیان ٹیلیفونک رابطہ،امن اقدامات پر پاکستان کے کردار کو سراہا۔

وزیراعظم محمد شہباز شریف اور بحرین کے فرمانرواشاہ حمد بن عیسیٰ آل خلیفہ کے درمیان ٹیلی فونک رابطہ ہوا.شاہ حمد بن عیسیٰ آل خلیفہ نے ایران اور امریکا کے درمیان جنگ بندی کرانے میں پاکستان کی کامیاب کوششوں پر وزیراعظم کو خراجِ تحسین پیش کیا اور کہا کہ اس پیش رفت سے خطے میں دیرپا امن کے امکانات روشن ہوئے ہیں۔

وزیراعظم نے پاکستان کی امن کوششوں کی حمایت پر بحرین کے شاہ کا شکریہ ادا کیا اور گزشتہ چھ ہفتوں کے دوران حملوں کے تناظر میں بحرینی قیادت کی جانب سے دکھائے گئے مثالی تحمل کو سراہا۔