پاکستانی پرچم والے آئل ٹینکر نےآبنائے ہرمز عبورکرلی، امریکی جریدے کی رپورٹ

پاکستانی پرچم  والے آئل ٹینکر نے کشیدہ صورتحال کے باوجود کامیابی کے ساتھ آبنائے ہرمز عبور کرلی ، جسے موجودہ حالات میں ایک اہم پیش رفت قرار دیا جا رہا ہے۔

امریکی جریدے بلومبرگ کی رپورٹ کے مطابق امریکی ناکہ بندی کے بعد یہ پہلا جہاز ہے جو خام مال لے کر آبنائے ہرمز سے باہر نکلا ہے، جس سے بحری سرگرمیوں کی بحالی کے امکانات ظاہر ہو رہے ہیں۔

رپورٹ میں بتایا گیا ہے کہ پاکستانی پرچم بردار ٹینکر نے تمام تر خدشات کے باوجود بحفاظت اس اہم بحری گزرگاہ کو عبور کیا، جو عالمی تجارت اور تیل کی ترسیل کے لیے نہایت اہم سمجھی جاتی ہے۔

یاد رہے کہ یہی ٹینکر گزشتہ ہفتے کے آخر میں خلیج فارس میں داخل ہوا تھا، جس کے بعد اس کی نقل و حرکت پر گہری نظر رکھی جا رہی تھی۔