آج ملک کے بیشتر علاقوں میں موسم شدید گرم اور خشک رہنے کا امکان

محکمہ موسمیات نے پیشگوئی کی ہے کہ ملک کے بیشتر حصوں میں موسم گرم اور خشک رہے گا، جبکہ جنوبی علاقوں بالخصوص سندھ اور بلوچستان میں گرمی کی شدت میں مزید اضافے کا امکان ہے۔ گزشتہ 24 گھنٹوں کے دوران تربت اور نواب شاہ میں درجہ حرارت 46 ڈگری سینٹی گریڈ ریکارڈ کیا گیا۔ بلوچستان کے جنوبی اضلاع میں شدید گرمی کا راج ہے جہاں سبی میں پارہ 45 ڈگری تک جا پہنچا ہے۔ کراچی میں آئندہ 24 گھنٹوں کے دوران مطلع صاف رہے گا اور درجہ حرارت 37 ڈگری تک رہنے کی توقع ہے۔ دوسری جانب، آزاد جموں و کشمیر کے بالائی علاقوں میں بارش کا سلسلہ رکنے کے بعد مزید بارشوں کا امکان بھی ظاہر کیا گیا ہے۔ لاہور میں 34، اسلام آباد میں 33 اور گلگت میں درجہ حرارت 23 ڈگری سینٹی گریڈ ریکارڈ کیا گیا۔