اسٹیٹ بینک کے زرمبادلہ ذخائر میں 1ارب 32 کروڑ ڈالر کی کمی ریکارڈ

کراچی: اسٹیٹ بینک کے زرمبادلہ ذخائر میں نمایاں کمی ریکارڈ کی گئی ہے۔ مرکزی بینک کے جاری کردہ اعداد و شمار کے مطابق زرمبادلہ ذخائر میں ایک ارب بتیس کروڑ ڈالر کی کمی واقع ہوئی ہے، جس کے بعد ذخائر کی مجموعی سطح پندرہ ارب سات کروڑ ستانوے لاکھ ڈالر رہ گئی ہے۔

اسٹیٹ بینک کے مطابق اس کمی کی بڑی وجہ ایک ارب بیالیس کروڑ اکسٹھ لاکھ ڈالر کے یورو بانڈ کی ادائیگی ہے، جسے کامیابی سے مکمل کر لیا گیا ہے۔

ادھر کمرشل بینکوں کے زرمبادلہ ذخائر بڑھ کر پانچ ارب چوالیس کروڑ پچاس لاکھ ڈالر ہو گئے ہیں، جس کے بعد ملک کے مجموعی زرمبادلہ ذخائر بیس ارب باون کروڑ پینتالیس لاکھ ڈالر کی سطح پر پہنچ گئے ہیں۔