اسلام آبادمیں پاک، سعودیہ، ترکیہ ، مصرکی وزارتِ خارجہ کے سینئرحکام کا اہم اجلاس

پاکستان، سعودی عرب، ترکیہ اور مصر کے وزرائے خارجہ کے 29 مارچ 2026 کے مشاورتی اجلاس کے تسلسل میں چاروں ممالک کی وزارتِ خارجہ کے سینئر حکام کا اجلاس اسلام آباد میں منعقد ہوا۔

ترجمان وزارتِ خارجہ کی جانب سے جاری بیان کے مطابق اس اہم اجلاس میں پاکستانی وفد کی قیادت ایڈیشنل سیکریٹری خارجہ و ترجمان سفیر طاہر اندرابی نے کی۔ جبکہ ترکی کے ڈپٹی وزیرِ خارجہ موسیٰ کُلاکلیکایا،مصر کے نائب  وزیرِ خارجہ نزیہ النگاری اورسعودی عرب کے  ڈائریکٹر جنرل وزارتِ خارجہ شہزادہ ڈاکٹر عبداللہ بن خالد بن سعود الکبیر آل سعود نے اپنے اپنے ممالک کے وفود کی سربراہی کی۔

اجلاس میں شریک سینئر حکام نے نائب وزیرِاعظم و وزیرِ خارجہ سینیٹر اسحاق ڈار اور سیکریٹری خارجہ سفیر آمنہ بلوچ سے بھی مشترکہ ملاقات کی۔

بیان میں مزید کہا گیا ہے کہ سینئر حکام کے اس اجلاس کی سفارشات چاروں برادر ممالک کے وزرائے خارجہ کے آئندہ اجلاس میں پیش کی جائیں گی جو 17 اپریل 2026 کو ترکی  میں انطالیہ ڈپلومیسی فورم کے موقع پر منعقد ہوگا۔