بھارت خطے میں امن کوششوں کو سبوتاثرکرنے سے بازرہے، پاکستان

پاکستان کو پہلگام واقعے سے جوڑنے کی بھارتی کوششیں قابل افسوس ہیں،،پاکستان نے پہلگام واقعے سے متعلق بھارتی پروپیگنڈا مسترد کر دیا۔ترجمان دفترخارجہ طاہر اندرابی کے مطابق خطے میں امن کے لیے سفارتی کوششیں جاری ہیں۔ جبکہ  بھارت الزام تراشی میں مصروف ہے، بھارت داخلی سیاسی مقاصد کے لیے پاکستان کے خلاف جھوٹا بیانیہ استعمال کر رہا ہے۔ بھارت خطے میں جاری امن کوششوں کو سبوتاژ کرنے سے باز رہے۔

ترجمان کا کہناتھاکہ بھارت خطے میں دہشت گردی کی سرپرستی جاری رکھے ہوئے ہے، عالمی برادری بھارتی پروپیگنڈا مہم کا نوٹس لے،مقبوضہ جموں و کشمیر پر بھارت کا غیر قانونی قبضہ عالمی توجہ سے نہیں ہٹا سکتا،کشمیریوں کو حق خودارادیت سے محروم کرنا اقوام متحدہ کی قراردادوں کی خلاف ورزی ہے

طاہراندرابی نے کہاکہ  بھارت کی اشتعال انگیز بیان بازی اور جارحانہ فوجی طرزعمل خطے کے امن کے لیے خطرہ ہے،سندھ طاس معاہدہ معطل کرنے کی بھارتی کوشش بین الاقوامی قانون کی خلاف ورزی ہے۔