دعاہے جنگ بندی پائیدارعالمی استحکام کی جانب بامعنی قدم ہو، نوازشریف

سابق وزیراعظم اور مسلم لیگ ن کے صدرمیاں نوازشریف نے ایران اورامریکا کے درمیان جنگ بندی کرانے پر وزیراعظم شہبازشریف، نائب وزیراعظم اسحاق ڈاراورفیلڈمارشل سید عاصم منیرکو مبارکباد دی ہے۔

سوشل میڈیاپر بیان میں نوازشریف نےبڑے عالمی بحران کوٹالنے اورغیرمعمولی سفارتی کوششوں پر شہبازشریف، اسحاق ڈاراورفیلڈمارشل کوسراہا۔

میاں نوازشریف کاکہناتھاکہ میں امن اور اسٹیٹ مین شپ کو منتخب کرنے پر ایران اور امریکاکی قیادت کو بھی سراہتا ہوں۔دعا ہے کہ یہ جنگ بندی پائیدار عالمی استحکام کی جانب ایک بامعنی قدم ہو۔