محسن نقوی سے امریکی سفیر کی ملاقات، مشرق وسطیٰ کی موجودہ صورتحال پر گفتگو

وفاقی وزیرِ داخلہ محسن نقوی سے امریکی سفیر نیٹلی بیکر نے ایک اہم ملاقات کی ہے، جس میں مشرقِ وسطیٰ کی موجودہ صورتحال اور علاقائی استحکام پر تفصیلی گفتگو کی گئی۔ ملاقات کے دوران امریکی سفیر نے حالیہ جنگ بندی کا خیرمقدم کیا اور اس ضمن میں پاکستان کے مضبوط سفارتی کردار کی تعریف کی۔ دونوں شخصیات نے اسلام آباد میں کل ہونے والے اعلیٰ سطح کے مذاکرات کے ایجنڈے اور ان کے کامیاب انعقاد کے لیے کیے گئے انتظامات کا جائزہ بھی لیا۔

وفاقی وزیرِ داخلہ محسن نقوی نے امریکی سفیر کو بریفنگ دیتے ہوئے بتایا کہ امریکی نائب صدر جے ڈی وینس، سٹیفوٹکوف اور کرشنرر پاکستان کے خصوصی مہمان ہوں گے۔ انہوں نے اس بات پر زور دیا کہ تمام غیر ملکی مہمانوں کی حفاظت کو یقینی بنانے کے لیے ہر لحاظ سے فول پروف سیکیورٹی کا جامع پلان مرتب کر لیا گیا ہے۔ امریکی سفیر نیٹلی بیکر نے خطے میں پائیدار امن کے لیے پاکستان کے مخلصانہ کردار اور بہترین میزبانی کو سراہتے ہوئے مستقبل میں بھی تعاون جاری رکھنے کے عزم کا اعادہ کیا۔