اسلام آباد مذاکرات کا دوسرا مرحلہ: وزیر داخلہ محسن نقوی اور ایرانی سفیر کی ملاقات

وفاقی وزیر داخلہ محسن نقوی اور پاکستان میں ایران کے سفیر ڈاکٹر رضا امیری مقدم کے درمیان اسلام آباد میں ایک اہم ملاقات ہوئی، جس میں خطے کی موجودہ صورتحال اور “اسلام آباد مذاکرات” کے دوسرے مرحلے کی تیاریوں پر تفصیلی تبادلہ خیال کیا گیا۔ ملاقات میں اسلام آباد کے چیف کمشنر، آئی جی پولیس اور ڈپٹی کمشنر بھی شریک تھے۔

وزیر داخلہ نے ایرانی سفیر کو یقین دلایا کہ پاکستان، ایران اور امریکہ کے درمیان کشیدگی کو کم کرنے کے لیے سفارتی و مذاکراتی چینلز کے ذریعے پائیدار حل تلاش کرنے کا حامی ہے۔ انہوں نے واضح کیا کہ پاکستان ان تعلقات کو انتہائی قدر کی نگاہ سے دیکھتا ہے اور خطے کے استحکام کے لیے مذاکرات ہی واحد راستہ ہیں۔