پاکستان صلح کا پیامبربن چکا ، ساری دنیاکی نظریں اسلام آباد پرہیں، خواجہ آصف

وزیردفاع خواجہ آصف کہتےہیں ساری دنیا کی نظریں اسلام آبادپر مرکوزہیں۔ سیاسی وعسکری قیادت وطن کو الحمدللہ ان بلندیوں پر لے گئی ہے جس کا تصور بھی نہیں کیاجاسکتاتھا۔

سوشل میڈیاپر پیغام میں وزیردفاع نے کہاکہ آزادی کے بعد بہت کم ایسے مواقع آئے جنہیں ہم تاریخ وعہد سازکہہ سکتے ہیں۔پہلا موقع تب آیا جس دن نواز شریف نے اسٹینڈ لیا اور ایٹمی  دھماکے کئے۔اُس روز پچیس سال کی محنت رنگ لائی اورہم ایٹمی کلب کے ممبر بن گئے۔ ہماری سیکیورٹی کو الحمد للہ ضمانت مل گئی

خواجہ آصف کاکہناتھاکہ بھارت نے للکارا تو ہم نے اسنکی مانگ کا سیندور اجاڑ دیا۔اسے دھول چٹائی۔دنیا نے ہمارے محافظوں کا لوہا مانا۔اب ایک سال بعد پاکستان بین الاقوامی سفارت کاری کا محور بن گیاہے۔

وزیردفاع کاکہناتھاکہ پاکستان امن کا داعی ہے۔پاکستان اپنے خطے اور بھائیوں میں صلح کا پیامبر ہے۔ اللہ ہماری امن کی کوششوں میں برکت ڈالے اور۔پاکستان  کو سرخرو کرے۔ پاکستان ہمیشہ زندہ بادرہے۔