عالمی رہنماؤں کا وزیراعظم شہباز شریف سے رابطہ، پاکستان سفارتی مرکز بن گیا

اسلام آباد میں ہونے والے امن مذاکرات کے تناظر میں پاکستان اس وقت عالمی توجہ کا مرکز بن گیا ہے۔ مختلف اہم عالمی رہنماؤں نے وزیراعظم محمد شہباز شریف سے ٹیلیفونک رابطہ کر کے موجودہ صورتحال پر تبادلہ خیال کیا۔

وزیراعظم کو آج متعدد عالمی رہنماؤں کی جانب سے ٹیلی فون کالز موصول ہوئیں، جن میں امیر قطر، بحرین کے بادشاہ، لبنان کے وزیراعظم، آسٹریا کے چانسلر، جرمنی کے چانسلر اور اٹلی کی وزیر اعظم شامل ہیں۔

عالمی رہنماؤں نے وزیراعظم محمد شہباز شریف کو پاکستان کی کامیاب سفارتی کاوشوں پر مبارکباد پیش کی۔ رہنماؤں کا کہنا تھا کہ پاکستان کی کوششوں کے نتیجے میں ایران اور امریکہ کے درمیان جنگ بندی ممکن ہوئی اور دونوں فریقین کے درمیان مذاکرات کی راہ ہموار ہوئی ہے۔