اسحاق ڈار کا ترک ہم منصب سے ٹیلیفونک رابطہ، پاکستان کی سفارتی کوششوں پر گفتگو

وزیر خارجہ اسحاق ڈار نے ترک ہم منصب ہاکان فیدان سے ٹیلیفونک رابطہ کیا۔دفتر خارجہ کے ترجمان کے مطابق ہاکان فیدان پاکستان کی سفارتی کوششوں پر اہم پیش رفت سے آگاہ کیا گیا اور خطے میں امن کیلئے مکالمہ اور سفارت کاری ہی واحد راستہ قرار دیا۔

گفتگوکے دوران اسحاق ڈار نے پاکستان کا امن و استحکام کیلئے سفارتی کردار جاری رکھنے کے عزم کا اظہار کیا۔ دونوں رہنماؤں نے دورانِ گفتگو باہمی اُمور پربھی تبادلہ خیال کیا اور پاکستان کی علاقائی استحکام کیلئے کوششوں پر زور دیا۔

دفترِ خارجہ کے ترجمان کا مزید کہنا تھا کہ دونوں رہنماؤں نے پاکستان کی سفارتی سرگرمیاں تیز کرنے، پاکستان اور ترکیہ کے درمیان قریبی رابطے برقرار رکھنے پر بھی اتفاق کیا۔