اسحاق ڈاراوروسی وزیرخارجہ کا ٹیلیفونک رابطہ، خطے میں امن کیلیے تعاون پر گفتگو
Web Desk
24 April 2026
خطے میں قیام امن کےلیے پاکستان کے سفارتی رابطے جاری ہیں۔ نائب وزیرِ اعظم اور وزیرِ خارجہ اسحاق ڈار نے روسی وزیرِ خارجہ سرگئی لاوروف سے ٹیلیفون پر گفتگو کی، جس میں دوطرفہ تعلقات، عالمی سطح پر تعاون اور خطے میں امن و استحکام کے امور زیرِ بحث آئے۔
دفترخارجہ کے ترجمان کے مطابق دونوں رہنماؤں نے باہمی تعلقات کے مختلف پہلوؤں کے ساتھ ساتھ کثیر الجہتی فورمز پر بین الاقوامی امن اور سلامتی کے فروغ کے لیے تعاون پر بات چیت کی۔
روسی وزیرِ خارجہ نے ایران اور امریکا کے مذاکرات میں پاکستان کے تعمیری اور سہولت کار کردار کو سراہتے ہوئے کہا کہ اسلام آباد نے سفارتی رابطوں کے فروغ میں مثبت کردار ادا کیا ہے۔
اسحاق ڈار نے اس عزم کا اعادہ کیا کہ پاکستان آئندہ بھی گفتگو اور سفارت کاری کے ذریعے تنازعات کے حل کی کوششوں میں اپنا کردار ادا کرتا رہے گا۔ ان کا کہنا تھا کہ دیرپا امن کے لیے بات چیت اور سفارتی روابط ناگزیر ہیں۔
دونوں رہنماؤں نے اعلیٰ سطح کے روابط برقرار رکھنے کی اہمیت پر زور دیتے ہوئے وزیرِ اعظم شہباز شریف کے مجوزہ دورہٴ روس کو باہمی طور پر موزوں تاریخ پر دوبارہ طے کرنے پر بھی گفتگو کی۔ اسحاق ڈار نے اس موقع پر روسی وزیرِ خارجہ کو پاکستان کا دورہ کرنے کی دعوت بھی دی۔وزارتِ خارجہ کا کہنا ہے کہ فریقین نے ایک دوسرے سے قریبی رابطے میں رہنے پر اتفاق کیا ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026