خارجہ پالیسی میں “اسٹریٹجک دوراندیشی” ناگزیر: اسحاق ڈار کی زیرِ صدارت دفترِ خارجہ کا اہم اجلاس

ترجمان دفترِ خارجہ کے مطابق، نائب وزیرِ اعظم و وزیرِ خارجہ اسحاق ڈار کی زیرِ صدارت وزارتِ خارجہ میں ایک اعلیٰ سطح کا مشاورتی اجلاس منعقد ہوا، جس میں پاکستان کی خارجہ پالیسی کے خدوخال اور بدلتی ہوئی عالمی صورتحال کے تناظر میں مستقبل کی حکمتِ عملی طے کی گئی۔ اجلاس میں سیکرٹری خارجہ آمنہ بلوچ سمیت وزارت کے سینئر حکام نے شرکت کی۔

اسحاق ڈار نے سفارتی محاذ پر متحرک رہنے کی ضرورت پر زور دیتے ہوئے واضح کیا کہ پاکستان کو اپنے قومی مفادات کے تحفظ کے لیے اسٹریٹجک دوراندیشی اور ٹھوس اہداف کے ساتھ آگے بڑھنا ہوگا۔