امریکا فیصلہ کرے کہ وہ ہمارا اعتماد حاصل کرسکتا ہے یا نہیں، باقر قالیباف

ایرانی اسپیکر محمد باقر قالیباف نے کہا ہے کہ اب یہ امریکا پر منحصر ہے کہ وہ ایران کا اعتماد حاصل کر سکتا ہے یا نہیں۔

انہوں نے اپنے بیان میں کہا کہ امریکا نے ایران کے مؤقف اور اس کے اصولوں کو سمجھ لیا ہے، تاہم اصل مرحلہ اعتماد کی بحالی کا ہے۔

باقر قالیباف کے مطابق ایرانی وفد نے مذاکرات میں مستقبل سے متعلق واضح اور تعمیری تجاویز پیش کیں، لیکن مخالف فریق اس مرحلے پر ایران کا اعتماد حاصل کرنے میں ناکام رہا۔

انہوں نے کہا کہ اب وقت آ گیا ہے کہ فیصلہ امریکا کرے کہ آیا وہ ایران کا اعتماد حاصل کرنے کی صلاحیت رکھتا ہے یا نہیں۔

انہوں نے مذاکراتی عمل کو ممکن بنانے میں پاکستان کے کردار کو سراہتے ہوئے اس کی کوششوں پر شکریہ بھی ادا کیا۔