ایرانی وزارت خارجہ نے اسلام آباد میں جمعہ کے مذاکرات کی حتمی تصدیق سے  انکار کردیا

وزارت خارجہ کے اعلیٰ حکام نے اسلام آباد میں جمعہ کے روز متوقع مذاکرات کی حتمی تصدیق سے انکار کرتے ہوئے واضح کیا ہے کہ اس حوالے سے ابھی کوئی فیصلہ حتمی نہیں ہوا۔

ذرائع کے مطابق مذاکرات کے انعقاد سے متعلق تمام معاملات اس وقت زیر غور ہیں اور کسی بھی باضابطہ اعلان سے قبل صورتحال کا جائزہ لیا جا رہا ہے۔

دوسری جانب ایرانی وزارت خارجہ کے ترجمان اسماعیل بقائی نے جنگ بندی کے لیے پاکستان کی کوششوں کو سراہا ہے۔ ان کا کہنا ہے کہ ایران اپنی قومی سلامتی اور مفادات کے تحفظ کے لیے ضروری اقدامات کر رہا ہے۔

اس سے قبل امریکی صدر ڈونلڈ ٹرمپ نے امید ظاہر کی تھی کہ ایران کے ساتھ مذاکرات کا دوسرا دور جمعے کو ممکن ہے اور اس میں مثبت پیش رفت متوقع ہے۔ انہوں نے یہ بھی کہا تھا کہ آئندہ 36 سے 72 گھنٹوں میں مذاکرات کا امکان موجود ہے۔