امریکا ایران مذاکرات: ایران کا اعلیٰ سطحی وفد اسلام آباد پہنچ گیا، اسحاق ڈار سمیت اعلیٰ حکام نے استقبال کیا

اسلامی جمہوریہ ایران کا ایک اعلیٰ سطحی وفد، جس کی قیادت ایرانی پارلیمنٹ کے اسپیکر محمد باقر قالیباف کر رہے ہیں، آج اسلام آباد پہنچ گیا۔ وفد میں ایران کے وزیر خارجہ عباس عراقچی بھی شامل ہیں جو اسلام آباد میں ہونے والے مذاکرات میں شرکت کریں گے۔

وفد کی آمد پر پاکستان کی اعلیٰ قیادت نے پرتپاک استقبال کیا جس میں نائب وزیراعظم و وزیر خارجہ اسحاق ڈار، اسپیکر قومی اسمبلی ایاز صادق، چیف آف آرمی اسٹاف سید عاصم منیر اور وزیر داخلہ محسن نقوی شامل تھے۔

نائب وزیراعظم و وزیر خارجہ اسحاق ڈار نے اس موقع پر امید ظاہر کی کہ مذاکرات تعمیری اور مثبت انداز میں آگے بڑھیں گے۔ انہوں نے پاکستان کی جانب سے تنازع کے پائیدار اور دیرپا حل کے لیے سہولت کاری کے عزم کا اعادہ بھی کیا۔

ترجمان دفتر خارجہ کے مطابق پاکستان خطے میں امن، استحکام اور سفارتی مکالمے کے فروغ کے لیے اپنی کوششیں جاری رکھے گا۔