69 فیصد عوام کا مریم نواز کی قیادت پر اعتماد، پنجاب درست سمت میں گامزن: سروے
Web Desk
13 April 2026
انسٹیٹیوٹ فار پبلک اوپینین ریسرچ (IPOR) نے حکومتِ پنجاب کی دو سالہ کارکردگی پر مبنی ایک جامع سروے رپورٹ جاری کی ہے، جس کے نتائج کے مطابق 69 فیصد افراد نے وزیراعلیٰ مریم نواز شریف کی قیادت پر مکمل اطمینان کا اظہار کیا ہے۔ سروے میں شامل شہریوں کی اکثریت نے صوبے کی ترقی کو درست سمت میں پیش رفت قرار دیا ہے۔ اعداد و شمار کے مطابق 32 فیصد افراد نے وزیراعلیٰ کی کارکردگی کو “آؤٹ اسٹینڈنگ” جبکہ 31 فیصد نے “گڈ” قرار دیا۔ اس مثبت عوامی رائے کے نتیجے میں پنجاب میں پاکستان مسلم لیگ (ن) کی مقبولیت 42 فیصد تک پہنچ گئی ہے، اور 55 فیصد افراد نے آئندہ بھی مریم نواز کو ہی ووٹ دینے کے عزم کا اظہار کیا ہے۔
سروے میں وزیراعلیٰ کے اقدامات کا جائزہ لینے پر معلوم ہوا کہ ’ستھرا پنجاب پروگرام‘ 33 فیصد مقبولیت کے ساتھ عوامی پسندیدگی میں سرفہرست رہا۔ اس کے علاوہ خواتین کی فلاح و تحفظ (30 فیصد)، پبلک ٹرانسپورٹ (29 فیصد) اور تعلیمی اصلاحات (27 فیصد) کو بھی نمایاں کامیابی قرار دیا گیا ہے۔ انفراسٹرکچر اور امن و امان کی صورتحال پر بھی 25 فیصد سے زائد شہریوں نے مثبت رائے دی ہے۔ سروے کے مطابق مہنگائی میں ریلیف اور بسنت کی بحالی جیسے اقدامات نے بھی نوجوانوں میں وزیراعلیٰ کی مقبولیت بڑھانے میں اہم کردار ادا کیا ہے۔
یہ سروے مجموعی طور پر 7 ہزار شہریوں کی رائے پر مبنی تھا، جن میں خواتین اور مردوں کا تناسب برابر رکھا گیا۔ سروے میں شامل 57 فیصد افراد کا تعلق دیہی اور 43 فیصد کا شہری علاقوں سے تھا، جبکہ 18 سے 40 سال کی عمر کے 69 فیصد نوجوانوں نے حکومتی پالیسیوں کو سراہا ہے۔ رپورٹ میں اس بات کی بھی نشاندہی کی گئی ہے کہ 56 فیصد شہری سینی ٹیشن اور بلدیاتی سروسز میں ہونے والی بہتری سے مطمئن ہیں، جو کہ حکومت کی نچلی سطح پر کارکردگی کا منہ بولتا ثبوت ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026