حج آپریشن کا آغاز، کراچی ایئرپورٹ سے پہلی پروازآج رات3 بجے روانہ ہوگی

حج آپریشن 2026 کا آج باقاعدہ آغاز ہورہا ہے۔کراچی ایئرپورٹ سے پہلی حج پرواز آج رات 3 بجے روانہ ہوگی۔

کراچی ایئرپورٹ پر عازمین حج کے لیے وزارت مذہبی امور اور ایئرپورٹ انتظامیہ نے خصوصی انتظامات کیے ہیں۔ عازمین کو گورنر سندھ نہال ہاشمی رخصت کریں گے۔

وزارت مذہبی امور کے حکام کے مطابق اس سال کراچی ایئرپورٹ سے 31 ہزار سے زائد عازمین حج روانہ ہوں گے۔روڈ ٹو مکہ پروجیکٹ کے تحت  سعودی حکام عازمین حج کے لیے ون ٹائم امیگریشن کراچی ایرپورٹ پر ہی کریں گے۔

ایف آئی اے امیگریشن نے بھی  عازمین حج کے لیے خصوصی اقدامات مکمل کرلیے۔ ڈپٹی ڈائریکٹر ایف آئی اے کراچی شہزاداکبرکے مطابق عازمین حج کی امیگریشن کے لیے عملے کو خصوصی ہدایات جاری کردی گئی ہیں۔