LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

فچ کا پاکستان پر اعتماد برقرار، ملکی آؤٹ لک مستحکم

Web Desk

13 April 2026

عالمی کریڈٹ ریٹنگ ایجنسی فچ (Fitch) نے پاکستان کی خودمختار ریٹنگ کو ‘منفی بی’ (B-) پر برقرار رکھتے ہوئے مستقبل کا منظرنامہ (Outlook) ‘مستحکم’ قرار دے دیا ہے۔ ایجنسی کے اعلامیہ کے مطابق یہ فیصلہ پاکستان میں بہتر ہوتے ہوئے مالی نظم و ضبط اور معاشی استحکام کی عکاسی کرتا ہے۔ فچ نے آئی ایم ایف (IMF) پروگرام کو معاشی اصلاحات کا اہم سہارا قرار دیتے ہوئے انکشاف کیا ہے کہ پاکستان کو جلد ہی آئی ایم ایف سے 1.2 ارب ڈالر کی اگلی قسط ملنے کا قوی امکان ہے، جس کے بعد ملک کے زرمبادلہ کے ذخائر میں نمایاں بہتری آئے گی اور بیرونی معاشی جھٹکوں کا اثر کم ہو جائے گا۔

معاشی اشاریوں کے حوالے سے فچ نے پیش گوئی کی ہے کہ مالی سال 2026 میں پاکستان کی جی ڈی پی (GDP) نمو 3.1 فیصد تک رہنے کی توقع ہے، جبکہ مہنگائی کی شرح گر کر 7.9 فیصد تک آ سکتی ہے۔ ایجنسی نے نوٹ کیا کہ پاکستان میں اس وقت شرح سود 10.5 فیصد ہے، تاہم معاشی اعتماد میں اضافے سے ترقی کی رفتار بہتر ہوگی۔ دوسری جانب اعلامیہ میں متنبہ کیا گیا ہے کہ پاکستان کو تاحال مشرقِ وسطیٰ میں توانائی کے بحران جیسے بیرونی خطرات کا سامنا ہے، جس کی وجہ سے کرنٹ اکاؤنٹ خسارہ 1.1 فیصد تک جا سکتا ہے۔

اعلامیہ میں مزید بتایا گیا ہے کہ مالی سال 2026 کے دوران پاکستان کی بیرونی قرضوں کی ادائیگیاں 12.8 ارب ڈالر تک پہنچنے کا امکان ہے، جبکہ مالی خسارہ جی ڈی پی کے تقریباً 5.3 فیصد تک رہنے کی توقع ہے۔ ماہرینِ معیشت کا کہنا ہے کہ فچ کی جانب سے ریٹنگ برقرار رکھنا اور مستحکم آؤٹ لک دینا عالمی مارکیٹ میں پاکستان کے وقار میں اضافے کا باعث بنے گا، جس سے غیر ملکی سرمایہ کاری کی راہ ہموار ہوگی۔ تاہم، توانائی کی قیمتوں اور بیرونی ادائیگیوں کا دباؤ حکومت کے لیے ایک مسلسل چیلنج رہے گا۔