اسلام آباد، راولپنڈی سمیت خیبرپختونخوا کے مختلف علاقوں میں زلزلے کے جھٹکے

وفاقی دارالحکومت اسلام آباد، راولپنڈی اور خیبرپختونخوا کے مختلف اضلاع میں زلزلے کے شدید جھٹکے محسوس کیے گئے ہیں، جس کے باعث شہریوں میں شدید خوف و ہراس پھیل گیا۔زلزلہ پیما مرکز کے مطابق ریکٹر اسکیل پر زلزلے کی شدت 5.7 ریکارڈ کی گئی ہے۔ زلزلے کی گہرائی 170 کلومیٹر تھی، جبکہ اس کا مرکز افغانستان اور تاجکستان کا سرحدی علاقہ بتایا گیا ہے۔پشاور، سوات، بونیر، چترال، نوشہرہ، صوابی، بٹگرام، مانسہرہ، ہری پور اور ایبٹ آباد۔زلزلے کے باعث کئی مقامات پر در و دیوار لرز اٹھے، جس کے بعد لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔ خوش قسمتی سے، اب تک کسی بھی علاقے سے کسی جانی یا مالی نقصان کی اطلاع موصول نہیں ہوئی ہے۔ ریسکیو ادارے اور انتظامیہ صورتحال پر نظر رکھے ہوئے ہیں۔