ملیریا قابلِ علاج مگر خطرناک مرض ہے، بروقت تشخیص ضروری ہے: وزیراعلیٰ سندھ
Web Desk
25 April 2026
وزیراعلیٰ سندھ سید مراد علی شاہ نے عالمی یومِ ملیریا کے موقع پر اپنے خصوصی پیغام میں کہا ہے کہ ملیریا ایک قابلِ علاج مرض ہے، لیکن بروقت تشخیص اور احتیاط نہ برتنے کی صورت میں یہ جان لیوا ثابت ہو سکتا ہے۔ انہوں نے عوام پر زور دیا کہ وہ ملیریا کو عام بخار سمجھ کر نظر انداز نہ کریں بلکہ اسے ایک سنگین خطرہ تصور کرتے ہوئے فوری حفاظتی تدابیر اختیار کریں۔
وزیراعلیٰ نے شہریوں کو ہدایت کی کہ علامات ظاہر ہوتے ہی قریبی سرکاری ہسپتال سے رجوع کریں، جہاں حکومت کی جانب سے تشخیص اور علاج کی تمام سہولیات مفت فراہم کی جا رہی ہیں۔ انہوں نے گھروں اور گردونواح میں صفائی ستھرائی برقرار رکھنے اور مچھر دانیوں کے استعمال کو یقینی بنانے پر بھی زور دیا تاکہ مچھروں کی افزائش کا خاتمہ ممکن ہو سکے۔
صوبائی حکومت کی حکمتِ عملی پر بات کرتے ہوئے مراد علی شاہ نے محکمہ بلدیات کو نالیوں کی صفائی اور جراثیم کش اسپرے کے شیڈول کو مزید مؤثر بنانے کے احکامات جاری کیے۔ انہوں نے اس عزم کا اعادہ کیا کہ بین الاقوامی اداروں اور سول سوسائٹی کے تعاون سے سندھ کو ملیریا سے پاک کیا جائے گا۔ وزیراعلیٰ نے طبی عملے اور ہیلتھ ورکرز کی خدمات کو بھی سراہا، جو اس بیماری کے خلاف فرنٹ لائن پر سرگرم عمل ہیں۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026