پنجاب: راشن کارڈ پروگرام کے تحت 12 لاکھ ورکرز کے بینک اکاونٹس کھول دیے گئے
Web Desk
15 April 2026
لاہور: وزیراعلیٰ پنجاب مریم نواز کے عوامی ریلیف وژن کے تحت ‘راشن کارڈ پروگرام’ میں ایک بڑی کامیابی حاصل کر لی گئی ہے۔ صوبائی وزیر لیبر و افرادی قوت محمد منشا اللہ بٹ نے اعلان کیا ہے کہ پنجاب بھر میں 12 لاکھ رجسٹرڈ ورکرز کے بینک اکاؤنٹس کھولنے کا عمل مکمل کر لیا گیا ہے اور ان اکاؤنٹس میں مجموعی طور پر 22 ارب روپے کی خطیر رقم بھی منتقل کر دی گئی ہے۔ محکمہ سوشل سکیورٹی نے وزیراعلیٰ کی ہدایات پر یہ اہم ٹاسک ریکارڈ مدت میں مکمل کیا ہے تاکہ محنت کش طبقے کو براہِ راست مالی ریلیف فراہم کیا جا سکے۔
صوبائی وزیر نے تفصیلات بتاتے ہوئے کہا کہ راشن کارڈ کے ذریعے رجسٹرڈ ورکرز کو ماہانہ بنیادوں پر مالی معاونت فراہم کی جا رہی ہے۔ اس پروگرام کے تحت ہر مستحق ورکر کے اکاؤنٹ میں ماہانہ 3 ہزار روپے بطور سبسڈی منتقل کیے جا رہے ہیں، جس کا مقصد بڑھتی ہوئی مہنگائی کے دور میں مزدور طبقے کے کچن کے اخراجات میں سہارا دینا ہے۔ حکومت پنجاب کا یہ اقدام ورکرز کو ڈیجیٹل بینکنگ کے نظام میں شامل کرنے اور فنڈز کی شفاف منتقلی یقینی بنانے کی جانب ایک بڑا قدم قرار دیا جا رہا ہے۔
محمد منشا اللہ بٹ کا مزید کہنا تھا کہ محنت کشوں کی فلاح و بہبود وزیراعلیٰ مریم نواز کی اولین ترجیح ہے۔ انہوں نے واضح کیا کہ راشن کارڈ پروگرام صرف مالی امداد تک محدود نہیں بلکہ یہ ورکرز کو معاشی طور پر بااختیار بنانے کے ایک جامع منصوبے کا حصہ ہے۔ حکومت کی جانب سے اس بات کو یقینی بنایا گیا ہے کہ ریلیف کی فراہمی میں کسی قسم کی رکاوٹ نہ آئے اور ہر مستحق محنت کش تک اس کا حق براہِ راست پہنچے۔ مستقبل میں اس پروگرام کا دائرہ کار مزید وسیع کرنے اور دیگر سہولیات شامل کرنے پر بھی غور کیا جا رہا ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026