بی آر ٹی ریڈ لائن منصوبہ دوبارہ فعال، یونیورسٹی روڈ پر کام کا آغاز

کراچی میں بی آر ٹی ریڈ لائن منصوبے کے لاٹ ٹو پر کام ایک بار پھر شروع کر دیا گیا ہے جس کے بعد یونیورسٹی روڈ پر تعمیراتی سرگرمیاں دوبارہ تیز ہو گئی ہیں۔

میئر کراچی مرتضیٰ وہاب کے مطابق بی آر ٹی ریڈ لائن کا کام آج سے دوبارہ ایف ڈبلیو او نے سنبھال لیا ہے۔

سرکاری ذرائع کے مطابق مکس ٹریفک لین سے متعلق کام بھی ایف ڈبلیو او کے حوالے کر دیا گیا ہے جبکہ کوریڈور کے ٹھیکے کا فیصلہ ابھی تک زیر غور ہے۔

ذرائع کا کہنا ہے کہ کچھ روز قبل لاٹ ٹو کا ٹھیکہ منسوخ کیے جانے کے بعد منصوبہ عارضی طور پر تعطل کا شکار ہو گیا تھا۔

حکام کے مطابق منصوبے کی بحالی سے یونیورسٹی روڈ پر ترقیاتی کاموں میں دوبارہ تیزی آنے کی توقع ہے۔