درآمدی گیس بند ہونے سے عارضی لوڈشیڈنگ، بحران جلد حل ہو جائیگا: وزیر توانائی
Web Desk
16 April 2026
اسلام آباد: وفاقی وزیر برائے توانائی سردار اویس احمد خان لغاری نے ملک میں جاری حالیہ لوڈشیڈنگ پر عوام سے معذرت کرتے ہوئے واضح کیا ہے کہ یکم اپریل سے درآمدی گیس (LNG) کی بندش اور ڈیموں سے پانی کے کم اخراج کے باعث بجلی کی پیداوار میں کمی کا سامنا ہے۔ نیوز کانفرنس سے خطاب کرتے ہوئے انہوں نے بتایا کہ پیک آورز (Peak Hours) میں گیس کی عدم دستیابی کی وجہ سے بجلی پیدا کرنا ممکن نہیں رہا، جس کی وجہ سے مجبوری میں 6 سے 7 گھنٹے کی لوڈ مینجمنٹ کی جا رہی ہے۔ وفاقی وزیر نے امید ظاہر کی کہ ایل این جی کارگو کی آمد اور پن بجلی کی پیداوار بڑھتے ہی چند دنوں میں یہ بحران حل ہو جائے گا۔
اویس لغاری نے حقائق بیان کرتے ہوئے کہا کہ اس وقت پن بجلی کی پیداوار صرف 1676 میگاواٹ ہے، جس میں گزشتہ برس کے مقابلے میں 1530 میگاواٹ کی کمی ریکارڈ کی گئی ہے۔ انہوں نے مزید کہا کہ حکومت ڈیزل سے مہنگی بجلی پیدا کر کے فی یونٹ 100 روپے کا اضافی بوجھ عوام پر نہیں ڈالنا چاہتی۔ ان کا کہنا تھا کہ خطے کی صورتحال اور ایران امریکہ کشیدگی جیسے عوامل ہمارے کنٹرول سے باہر ہیں، تاہم دیگر ممالک کے مقابلے میں پاکستان کی توانائی کی صورتحال پھر بھی بہتر ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026