وفاقی وزیر احسن اقبال کا یونیورسٹی آف الینوائے شکاگو کا دورہ، جناح میڈیکل کمپلیکس اور پی کے ایل آئی کے ساتھ طبی و تحقیقی تعاون پر تبادلہ خیال
Web Desk
7 July 2026
وفاقی وزیر برائے منصوبہ بندی، ترقی و خصوصی اقدامات احسن اقبال نے اپنے دورۂ امریکہ کے دوران یونیورسٹی آف الینوائے شکاگو (UIC) کا دورہ کیا ہے، جہاں پاکستان اور امریکہ کے درمیان طبی تعلیم، تحقیق اور صحت کے شعبے میں مستقبل کے تعاون کے امکانات پر تفصیلی تبادلۂ خیال کیا گیا۔
دورے کے دوران وفاقی وزیر نے یونیورسٹی کے پرووسٹ، وائس پرووسٹ اور ڈین، فیکلٹی آف میڈیسن سے اہم ملاقات کی۔ ملاقات میں وزیراعظم کے مجوزہ جناح میڈیکل کمپلیکس اینڈ ریسرچ سینٹر (JMCRC) اور پاکستان کڈنی اینڈ لیور انسٹی ٹیوٹ اینڈ ریسرچ سینٹر (PKLI) کے ساتھ مستقبل میں ادارہ جاتی تعاون کے امکانات کا جائزہ لیا گیا، جس میں جدید طبی تحقیق، اختراع اور جدید علاج معالجہ پر خصوصی توجہ دی گئی۔
وفاقی وزیر احسن اقبال نے وزیراعظم کے وژن کا ذکر کرتے ہوئے کہا کہ حکومتِ پاکستان جناح میڈیکل کمپلیکس اینڈ ریسرچ سینٹر کو خطے کے ممتاز طبی مراکز میں شامل کرنے کے لیے پرعزم ہے۔ انہوں نے بتایا کہ پی کے ایل آئی روبوٹک سرجری سمیت جدید طبی سہولیات کی جانب تیزی سے پیش رفت کر رہا ہے، اور پاکستان اس شعبے میں یونیورسٹی آف الینوائے شکاگو کے وسیع تجربے سے استفادہ کرنا چاہتا ہے۔ اس سلسلے میں انہوں نے پی کے ایل آئی کے صدر پروفیسر ڈاکٹر سعید اختر کو آن لائن ذرائع سے یونیورسٹی کی قیادت سے متعارف بھی کرایا۔
ملاقات میں نالج کوریڈور کے دائرہ کار کو وسعت دیتے ہوئے طبی علوم کو بھی اس میں شامل کرنے کی تجویز پر غور کیا گیا۔ فیکلٹی اور طلبہ کے تبادلے، وظائف، مشترکہ تحقیقی منصوبوں اور جدید جراحی کی تربیت جیسے امکانات پر گفتگو ہوئی۔ احسن اقبال نے کہا کہ ان کے گزشتہ دورِ وزارت میں حکومتِ پاکستان کی مالی شراکت سے فل برائٹ اسکالرشپ پروگرام کو وسعت دی گئی، جس سے یہ دنیا کا ایک بڑا پروگرام بنا۔ یونیورسٹی آف الینوائے شکاگو کی قیادت نے اس تبادلۂ خیال کا خیرمقدم کرتے ہوئے پاکستانی اداروں کے ساتھ رابطے برقرار رکھنے اور طبی تعلیم، تحقیق اور صحت کے شعبے میں باہمی مفاد پر مبنی مستقبل کے تعاون کے امکانات کا جائزہ لینے میں گہری دلچسپی کا اظہار کیا ہے۔
متعلقہ عنوانات
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026
پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے
18 November 2026
دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال
18 November 2026
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب
18 November 2026
امریکی سینیٹ کمیٹی نے نئے امریکی جوہری بم بی 94 کا نام ظاہر کردیا
18 November 2026