این ڈی ایم اے کا دریاؤں میں طغیانی اور مقامی سیلاب کا الرٹ جاری
Web Desk
7 July 2026
نیشنل ڈیزاسٹر مینجمنٹ اتھارٹی (این ڈی ایم اے) کے نیشنل ایمرجنسیز آپریشن سینٹر (این ای او سی) نے 6 سے 10 جولائی 2026 تک دریاؤں میں پانی کے بہاؤ اور ممکنہ سیلابی صورتحال کے حوالے سے ایک اہم الرٹ جاری کیا ہے۔
این ڈی ایم اے کے مطابق ملک میں داخل ہونے والے دوسرے مون سون اسپیل اور مغربی ہواؤں کے ملاپ کے باعث شمالی اور شمال مشرقی علاقوں میں تیز بارشوں کا امکان ہے۔ ان بارشوں کے نتیجے میں پہاڑی ندی نالوں، برساتی گزرگاہوں اور بڑے دریاؤں میں پانی کے بہاؤ میں اچانک اور نمایاں اضافہ ہو سکتا ہے۔ الرٹ میں خبردار کیا گیا ہے کہ گلگت بلتستان، خیبرپختونخوا، آزاد کشمیر، شمال مشرقی پنجاب اور بلوچستان کے مختلف دریاؤں اور ندی نالوں میں طغیانی اور مقامی سطح پر سیلاب (فلیش فلڈنگ) کا خطرہ ہے۔
ترجمان کے مطابق آئندہ 48 گھنٹوں کے دوران دریائے سوات اور دریائے پنجکوڑہ سمیت ان کے معاون ندی نالوں میں پانی کی سطح تیزی سے بلند ہو سکتی ہے۔ اس کے علاوہ دریائے کابل میں نوشہرہ کے مقام پر، دریائے سندھ میں تربیلا ڈیم کے بالائی علاقوں، اور دریائے چناب میں مرالہ، خانکی اور قادرآباد کے مقامات پر نچلے درجے کے سیلاب کا امکان ظاہر کیا گیا ہے۔
این ڈی ایم اے نے تمام متعلقہ صوبائی اور مقامی محکموں کو الرٹ رہنے، ہنگامی انتظامات فوری طور پر مکمل کرنے اور حساس و خطرے سے دوچار علاقوں کی مسلسل نگرانی یقینی بنانے کی سخت ہدایت کی ہے۔
عوام کے لیے جاری ہدایات میں شہریوں سے اپیل کی گئی ہے کہ وہ موجودہ موسمی صورتحال کے دوران غیر ضروری سفر سے مکمل گریز کریں، بپھرے ہوئے ندی نالوں اور برساتی گزرگاہوں کو عبور کرنے کی کوشش نہ کریں اور مقامی انتظامیہ کی ہدایات پر سختی سے عمل کریں۔ ادارے نے شہریوں کو تازہ ترین موسمی صورتحال اور پیشگی حفاظتی تدابیر سے باخبر رہنے کے لیے ‘پاک این ڈی ایم اے ڈیزاسٹر الرٹ’ موبائل ایپ ڈاؤن لوڈ کرنے کا بھی مشورہ دیا ہے۔
متعلقہ عنوانات
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026
پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے
18 November 2026
دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال
18 November 2026