ایران نے امریکا سے جنگ بندی مذاکرات کےلیےنئی تجاویز پاکستان کے حوالے کردیں

ایران نے جنگ بندی سے متعلق امریکا سے مذاکرات کےلیے نئی تجاویز پاکستان کے حوالے کردی ہیں۔ایران کی سرکاری خبررساں ایجنسی کے مطابق ایران نے گزشتہ روزاپنا نیا مذاکراتی مسودہ پاکستان کے حوالے کیا۔

ادھر قطری ٹی وی چینل کے مطابق ایرانی سفارتی ذرائع نے پاکستانی ثالثوں کو نئی تجاویز پیش کرنے کی تصدیق کر دی۔ایرانی وزارت خارجہ کے ترجمان اسماعیل بقائی نے کہا کہ ایران اور امریکا کے درمیان ہونے والے مذاکرات میں پاکستان مرکزی ثالث کے طور پر کردار ادا کر رہا ہے۔

انہوں نے مزید کہا کہ اس معاملے میں کئی دیگر ممالک بھی تعاون کے لیے آمادہ ہیں لیکن باضابطہ طور پر ثالثی کی ذمے داری پاکستان کے پاس ہے۔اسماعیل بقائی کے مطابق اگر مذاکرات کے انعقاد کا حتمی فیصلہ کیا جاتا ہے تو اس بارے میں باقاعدہ طور پر آگاہ کر دیا جائے گا۔