یوم مزدور کو تقریبات، خبروں کا سلسلہ بنا کر ختم کر دیا جاتا: حافظ نعیم

امیر جماعت اسلامی حافظ نعیم الرحمان نے اپنے بیان میں کہا ہے کہ حکومتیں یومِ مزدور پر چھوٹے موٹے اعلانات کر کے دن گزار دیتی ہیں، لیکن حقیقت میں صنعتیں چلانے والا مزدور آج بھی اپنے حق سے محروم ہے۔ انہوں نے سوال اٹھایا کہ حکومت کی جانب سے مقرر کردہ کم از کم اجرت پر کتنا عمل درآمد ہو رہا ہے؟ حافظ نعیم الرحمان نے بے نظیر انکم سپورٹ پروگرام جیسے منصوبوں کو ناکام قرار دیتے ہوئے کہا کہ غربت کم ہونے کے بجائے اس میں 28 فیصد اضافہ ہوا ہے۔ انہوں نے پیٹرولیم مصنوعات پر عائد بھاری ٹیکسز کا ذکر کرتے ہوئے کہا کہ ایک غریب آدمی اگر روزانہ ایک لیٹر پیٹرول استعمال کرے تو وہ بھی حکومت کو 125 روپے ٹیکس دیتا ہے، جو کہ صریحاً ظلم ہے