ملک سے لوڈ مینجمنٹ کا خاتمہ؛ ایل این جی موصول ہوتے ہی بجلی کی فراہمی معمول پر آگئی، اویس لغاری

وفاقی وزیر توانائی اویس احمد لغاری نے اعلان کیا ہے کہ ایل این جی گیس کی موصولی کے بعد ملک میں بجلی کی لوڈ مینجمنٹ کا باقاعدہ خاتمہ کر دیا گیا ہے۔ انہوں نے بتایا کہ گزشتہ ماہ اپریل کے وسط میں گیس کی عدم دستیابی کے باعث عوام کو 5 گھنٹے تک کی لوڈ شیڈنگ کا سامنا کرنا پڑا، تاہم اب صورتحال قابو میں ہے۔ وزیر توانائی کا کہنا تھا کہ امریکہ ایران کشیدگی کے باعث گیس کی فراہمی میں تاخیر ہوئی، جس کی وجہ سے عارضی طور پر بجلی کا بحران پیدا ہوا۔ انہوں نے واضح کیا کہ اگر حکومت مہنگے فرنس آئل یا ڈیزل سے بجلی پیدا کرتی تو اس کا اضافی بوجھ صارفین پر پڑتا، جس سے بچنے کے لیے لوڈ مینجمنٹ کا سہارا لیا گیا۔