پاکستان جنوبی کوریا مشترکہ تجارتی کمیٹی کے قیام اور سرمایہ کاری بڑھانے پر اتفاق

وفاقی وزیر تجارت جام کمال خان اور جنوبی کوریا کے وزیر تجارت ییو ہان-کو کے درمیان ہونے والی ورچوئل ملاقات میں دونوں ممالک نے “جامع اقتصادی شراکت داری کے معاہدے” (CEPA) پر مشاورت شروع کرنے اور ایک مشترکہ تجارتی کمیٹی قائم کرنے کا فیصلہ کیا ہے۔ کورین وزیر نے پاکستان کو سرمایہ کاری کے لیے ایک محفوظ اور پُرکشش ملک قرار دیتے ہوئے مینوفیکچرنگ اور توانائی کے شعبوں میں گہری دلچسپی کا اظہار کیا۔ ملاقات کے دوران جنوبی کوریا نے خطے میں امن کے قیام، بالخصوص امریکہ اور ایران کے درمیان تنازع میں پاکستان کے مصالحانہ کردار کو بھی سراہا۔ جام کمال خان نے زراعت، ٹیکسٹائل اور معدنیات کے شعبوں میں موجود مواقع کو اجاگر کرتے ہوئے یقین دلایا کہ حکومت غیر ملکی سرمایہ کاروں کو ہر ممکن سہولیات فراہم کرے گی۔