وزیر داخلہ محسن نقوی کا پاکستان سمیت دنیا بھر کے محنت کشوں کو سلام

وفاقی وزیر داخلہ محسن نقوی نے عالمی یومِ مزدور پر پاکستان سمیت دنیا بھر کے محنت کشوں کو سلام پیش کرتے ہوئے کہا ہے کہ کسی بھی ملک کی ترقی مزدور کے بغیر ناممکن ہے۔ اپنے خصوصی پیغام میں انہوں نے کہا کہ یہ دن ان ہاتھوں کی عظمت کا اعتراف ہے جو خاموشی سے ملکی معیشت کو استحکام بخشتے ہیں۔ محسن نقوی نے زور دیا کہ دینِ اسلام میں محنت کو عبادت اور محنت کش کو اللہ کا دوست قرار دیا گیا ہے، جبکہ آئینِ پاکستان بھی ان کے حقوق اور مناسب اجرت کی ضمانت دیتا ہے۔ انہوں نے اس عزم کا اعادہ کیا کہ حکومت مزدوروں کی محرومیوں کے خاتمے اور ان کے لیے بہتر کام کے ماحول کی فراہمی کے لیے کوشاں رہے گی۔