سی ایس ایس امتحان 2025 کے نتائج کا اعلان؛ کامیابی کی شرح صرف 2.67 فیصد، خواتین امیدوار بازی لے گئیں

فیڈرل پبلک سروس کمیشن (FPSC) نے سی ایس ایس 2025 کے نتائج جاری کر دیے ہیں، جن کے مطابق مجموعی طور پر کامیابی کی شرح صرف 2.67 فیصد رہی۔ امتحان میں شریک ہونے والے 12,792 امیدواروں میں سے محض 355 تحریری امتحان پاس کرنے میں کامیاب ہو سکے۔ ایف پی ایس سی نے مختلف گروپس میں تعیناتی کے لیے 170 امیدواروں کی سفارش کی ہے، جن میں 86 خواتین اور 84 مرد شامل ہیں۔ اس سال کے نتائج میں خواتین کی تقرری کی تعداد مردوں سے زیادہ رہی، جو ایک مثبت رجحان کی عکاسی کرتی ہے۔ امتحان میں پہلی پوزیشن اسید رفیق نے حاصل کی، جبکہ محمد محسن خالد دوسرے اور طارق حفیظ تیسرے نمبر پر رہے۔