الیکشن کمیشن کی بڑی کارروائی؛ سابق چیف جسٹس افتخار چوہدری کی جماعت سمیت 2 سیاسی پارٹیاں ڈی لسٹ

الیکشن کمیشن آف پاکستان نے الیکشن ایکٹ اور رولز کی مسلسل خلاف ورزی پر دو سیاسی جماعتوں، ‘پاکستان جسٹس اینڈ ڈیموکریٹک پارٹی’ (جس کے سربراہ سابق چیف جسٹس افتخار محمد چوہدری تھے) اور ‘استحکام پاکستان تحریک’ کی رجسٹریشن ختم کر دی ہے۔ الیکشن کمیشن کے مطابق دونوں جماعتوں نے نہ تو انٹرا پارٹی الیکشن کرائے اور نہ ہی اپنے سالانہ مالی گوشوارے جمع کرائے۔ پولیٹیکل فنانس ونگ کی سفارش پر کی گئی اس کارروائی کے بعد دونوں جماعتوں سے انتخابی نشانات بھی واپس لے لیے گئے ہیں۔ ان دو جماعتوں کے خاتمے کے بعد ملک میں رجسٹرڈ سیاسی جماعتوں کی کل تعداد کم ہو کر 167 رہ گئی ہے۔ کمیشن نے واضح کیا کہ ان جماعتوں کو متعدد مواقع دیے گئے تھے، جس کے بعد 16 اپریل کو انہیں ڈی لسٹ کرنے کا حتمی حکم جاری کیا گیا۔