شہریوں کے لیے بڑی خوشخبری؛ نارمل پاسپورٹ کی مدت 21 سے کم کر کے 14 دن مقرر

وفاقی وزیر داخلہ محسن نقوی نے شہریوں کی سہولت کے لیے پاسپورٹ کے اجرا کے نظام میں بڑی تبدیلیاں کرنے کا اعلان کر دیا ہے۔ اب نارمل پاسپورٹ کی فراہمی 21 دن کے بجائے صرف 14 دن میں یقینی بنائی جائے گی۔ اجلاس کے دوران وزیر داخلہ نے پاسپورٹ دفاتر میں ایجنٹ مافیا کے خاتمے اور شفافیت کے لیے 15 روز کے اندر مکمل کیش لیس سسٹم رائج کرنے کا ٹاسک بھی دے دیا ہے۔ اس کے علاوہ ‘بزنس پاسپورٹ’ کے اجرا کے نظام کو جلد حتمی شکل دینے اور پاسپورٹ کی گھروں تک ترسیل (ہوم ڈلیوری) کو مزید موثر بنانے کا فیصلہ کیا گیا ہے۔ محسن نقوی کا کہنا تھا کہ عوامی سہولت کے لیے ایک خود مختار پاسپورٹ اتھارٹی کا قیام وقت کی اہم ضرورت ہے