سندھ بھر میں دفعہ 144 کی مدت میں توسیع، جلسے جلوس اور احتجاج پر پابندی برقرار

کراچی: حکومت سندھ نے صوبے بھر میں امن و امان کی صورتحال کے پیش نظر دفعہ 144 کے نفاذ میں مزید ایک ماہ کی توسیع کر دی ہے۔ محکمہ داخلہ سندھ کی جانب سے جاری حکم نامے کے مطابق پابندیوں کا اطلاق یکم مئی 2026 سے ایک ماہ کے لیے ہوگا۔

حکم نامے میں کہا گیا ہے کہ دفعہ 144 کے تحت جلسے جلوس، ریلیاں، احتجاجی مظاہرے اور دھرنے منعقد کرنے پر پابندی برقرار رہے گی۔ اس کے علاوہ ہر قسم کی دیوار نویسی پر بھی پابندی عائد ہوگی۔

محکمہ داخلہ کے مطابق عوامی امن اور شہریوں کے تحفظ کو یقینی بنانے کے لیے یہ اقدامات کیے گئے ہیں، جبکہ خلاف ورزی کرنے والوں کے خلاف قانونی کارروائی عمل میں لائی جائے گی۔