پاک افغان سرحد پر افغان طالبان کی بلا اشتعال جارحیت، پاک فوج کا بھرپور جواب

پاک افغان سرحد پر افغان طالبان اوردہشت گردوں  کی جانب سے کی جانے والی بلا اشتعال جارحیت کا پاک فوج نے بھرپور جواب دیا ہے۔ سکیورٹی ذرائع کے مطابق، ‘آپریشن غضب للحق’ کے تحت کی جانے والی جوابی کارروائی میں چمن سیکٹر میں افغان طالبان کی متعدد چوکیوں اور گاڑیوں کو نشانہ بنا کر تباہ کر دیا گیا ہے۔ پاک فوج کی مؤثر کارروائی کے نتیجے میں حملہ آور پسپائی پر مجبور ہو گئے ہیں۔ سکیورٹی ذرائع کا کہنا ہے کہ ملک کی علاقائی سالمیت اور دفاعِ وطن کے لیے فورسز کا عزم غیر متزلزل ہے اور یہ آپریشن تمام مقررہ اہداف کے حصول تک جاری رہے گا۔