قیام امن کے لیے پاکستان کاتعمیری کردار قابل قدر ہے، سیکریٹری جنرل اقوام متحدہ

نائب وزیرِ اعظم و وزیرِ خارجہ، محمد اسحاق ڈاراوراقوامِ متحدہ کے سیکریٹری جنرل انتونیو گوتریس کےدرمیان ٹیلی فونک رابطہ ہواہے۔
ترجمان دفترخارجہ کے مطابق دونوں رہنماؤں کے درمیان گفتگو میں خطے کی تازہ ترین صورتحال، پاکستان کی جاری سفارتی کوششوں اور مختلف فریقین کے ساتھ روابط پر تفصیلی تبادلۂ خیال کیا گیا۔
بیان کے مطابق اقوامِ متحدہ کے سیکریٹری جنرل نے پاکستان کی کاوشوں کو سراہتے ہوئے کہا کہ عالمی برادری خطے اور دنیا میں امن و استحکام کے فروغ کے لیے پاکستان کے تعمیری کردار کو قدر کی نگاہ سے دیکھتی ہے ۔ انہوں نے پاکستان کی جاری سفارتی کوششوں کے لیے مکمل حمایت کا بھی اظہار کیا۔
بیان کے مطابق اقوامِ متحدہ کی جانب سے اس بات کا اعادہ کیا گیا کہ پاکستان کے اقدامات خطے میں کشیدگی کم کرنے اور امن کے قیام میں اہم کردار ادا کر رہے ہیں۔