بشریٰ بی بی کی متاثرہ آنکھ کے معائنے کیلئے ڈاکٹرز جیل پہنچ گئے

بانی پی ٹی آئی کی اہلیہ بشریٰ بی بی کی دائیں آنکھ کے معائنے کے لیے الشفاء آئی ٹرسٹ کے ڈاکٹر ندیم قریشی اور پمز ہسپتال کے ڈاکٹر عارف ضروری سامان کے ہمراہ اڈیالہ جیل پہنچ گئے ہیں۔ جیل ذرائع کے مطابق، 17 اپریل کو بشریٰ بی بی کی دائیں آنکھ کا آپریشن ہوا تھا جس میں ‘ریٹینل ڈیٹیچمنٹ’ کی تشخیص ہوئی تھی۔ دوسری جانب، پمز انتظامیہ کے مطابق بانی پی ٹی آئی کو بھی فالو اپ علاج کے لیے 28 اپریل کو ہسپتال لایا گیا جہاں انہیں ‘اینٹی وی ای جی ایف’ انجکشن کی چوتھی خوراک دی گئی۔ اس دوران بشریٰ بی بی سے ملاقات کے لیے ان کی بھابھی اور بیٹی بھی فیکٹری ناکہ پہنچیں، جنہیں پولیس کی جانب سے اجازت ملنے کے بعد جیل منتقل کیا جائے گا۔