پی ٹی اے ٹریبیونل ممبر کی عدم تعیناتی؛ اسلام آباد ہائیکورٹ نے وزیراعظم شہباز شریف کو ذاتی حیثیت میں طلب کر لیا

اسلام آباد ہائیکورٹ نے پاکستان ٹیلی کمیونیکیشن اتھارٹی (PTA) ٹریبیونل کے ممبر فنانس کی تعیناتی میں غیر معمولی تاخیر پر سخت برہمی کا اظہار کرتے ہوئے وزیراعظم شہباز شریف کو ذاتی حیثیت میں طلب کر لیا ہے۔ جسٹس محسن اختر کیانی نے کیس کی سماعت کے دوران ریمارکس دیے کہ وزیراعظم 18 مئی کو عدالت میں پیش ہو کر خود وضاحت دیں کہ ٹریبیونل کے اہم عہدے پر اب تک تعیناتی کیوں نہیں کی جا سکی۔ عدالت نے واضح کیا کہ انتظامی عہدوں کا خالی ہونا قانونی عمل میں رکاوٹ کا باعث بن رہا ہے، جس کا جواب دینا اب وزیراعظم کی ذمہ داری ہے۔