LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

کراچی کے 19 سالہ رایان حبیب نے ٹیکساس میں آئرن مین چیلنج مکمل کر کے تاریخ رقم کر دی

Web Desk

27 April 2026

ٹیکساس میں کراچی سے تعلق رکھنے والے 19 سالہ رایان حبیب نے آئرن مین ٹرائیتھلون مکمل کر کے نئی تاریخ رقم کر دی۔

رایان حبیب نے امریکی ریاست ٹیکساس کے شہر دی ووڈ لینڈز میں منعقد ہونے والا 226.3 کلومیٹر طویل آئرن مین مقابلہ 15 گھنٹے، 20 منٹ اور 6 سیکنڈز میں مکمل کیا، اور اس کارکردگی کے ساتھ وہ آئرن مین مکمل کرنے والے کم عمر ترین پاکستانی کھلاڑی بن گئے۔

یہ دنیا کے مشکل ترین مقابلوں میں شمار کیا جاتا ہے جس میں کھلاڑیوں کو بغیر وقفے کے تین مراحل مکمل کرنے ہوتے ہیں، جن میں 3.8 کلومیٹر کھلے پانی میں تیراکی، 180 کلومیٹر سائیکلنگ اور 42.2 کلومیٹر میراتھون دوڑ شامل ہوتی ہے۔

مقابلہ نارتھ شور پارک سے شروع ہوا جہاں جھیل ووڈ لینڈز میں تیراکی کا مرحلہ رکھا گیا۔ جھیل کا درجہ حرارت 24 ڈگری سینٹی گریڈ تھا۔ رایان نے تیراکی کا مرحلہ 1 گھنٹہ 45 منٹ اور 36 سیکنڈز میں مکمل کیا۔

اس کے بعد سائیکلنگ کے مرحلے میں شرکا نے دی ووڈ لینڈز اور شمالی ہیرس کاؤنٹی کے مختلف راستوں سے گزرتے ہوئے 180 کلومیٹر کا فاصلہ طے کیا۔ رایان نے یہ مرحلہ 7 گھنٹے 27 منٹ اور 49 سیکنڈز میں مکمل کیا۔

میریتھون دوڑ جھیل ووڈ لینڈز کے گرد تین چکروں پر مشتمل تھی۔ رایان نے یہ مرحلہ 5 گھنٹے 38 منٹ اور 57 سیکنڈز میں مکمل کیا اور فنش لائن عبور کرتے ہی پاکستان کا پرچم لہرا کر جشن منایا۔

انسٹاگرام پر اپنے پیغام میں انہوں نے اسے زندگی کا سب سے مشکل تجربہ قرار دیتے ہوئے کہا کہ وہ پاکستان کی نوجوان نسل کو متاثر کرنا چاہتے ہیں اور یہ ثابت کرنا چاہتے ہیں کہ محنت سے سب کچھ ممکن ہے۔

واضح رہے کہ اس ایونٹ کا کٹ آف ٹائم 17 گھنٹے تھا۔