لاہور، کباڑ کے گودام میں آگ لگنے سےسے 3 کمسن بچے جھلس کر جاں بحق

لاہورمیں کباڑکے گودام میں آگ لگنے سے 3 کمسن بچے جھلس کر جاں بحق ہو گئے۔

ریسکیوذرائع کے مطابق دلخراش واقعہ گجرپورہ کے علاقہ چائنہ اسکیم میں پیش آیا جہاں کباڑ کے گودام میں اچانک آگ بھڑک اٹھی جو تیزی سے پھیل گئی۔

حکام کا کہنا تھا کہ آتشزدگی کی زد میں آ کر  6 سالہ علیزہ، 4 سالہ علی احمد اور 2 سالہ فضا بری طرح جھلس گئے جو اسپتال میں دم توڑ گئے۔واقعے کے بعد علاقے میں خوف وہراس پھیل گیا، ابتدائی طور پر آگ لگنے کی وجوہات معلوم نہیں ہو سکی۔