قیمتی پتھروں کی برآمدات بڑھانے کے لیے 3 سینٹرز آف ایکسیلینس کے قیام کا فیصلہ

وزیرِ اعظم محمد شہباز شریف نے پاکستان میں قیمتی پتھروں کی کان کنی اور پراسیسنگ کو بین الاقوامی معیار کے مطابق بنانے کے لیے ایک جامع حکمت عملی مرتب کرنے کی ہدایت کر دی ہے۔ اس اقدام کا مقصد مقامی قدرتی وسائل کو جدید ٹیکنالوجی کے ذریعے برآمدی معیشت کا اہم حصہ بنانا ہے۔اجلاس کے دوران وزیرِ اعظم کو بتایا گیا کہ ملک میں قیمتی پتھروں کی کٹائی، تراش خراش اور زیورات سازی (Jewelry Making) کے لیے تین جدید مراکز قائم کیے جا رہے ہیں: ان مراکز کے لیے اراضی پہلے ہی مختص کی جا چکی ہے۔وفاقی دارالحکومت میں تیسرے مرکز کے قیام کے لیے اقدامات جاری ہیں۔

اجلاس میں اس شعبے کی ترقی کے لیے  اہم نکات پیش کیے گئے جولائی 2026 میں پاکستان میں قیمتی پتھروں کی پہلی بین الاقوامی نمائش منعقد کرنے کی منصوبہ بندی کی جا رہی ہے۔ سری لنکا اور چین کے تعاون سے قیمتی پتھروں کی پراسیسنگ کے لیے خصوصی تربیتی پروگرام شروع کیے جا رہے ہیں۔وزارتِ پیٹرولیم کم سے کم ضیاع (Minimum Wastage) کو یقینی بنانے کے لیے جدید طریقوں کو فروغ دے رہی ہے۔ ایک ہزار افراد کو عالمی معیار کے مطابق کان کنی کی تربیت دی جا رہی ہے تاکہ مقامی افرادی قوت کو ہنرمند بنایا جا سکے۔وزیرِ اعظم نے معاون خصوصی ہارون اختر اور ان کی ٹیم کی کاوشوں کو سراہتے ہوئے وزارتِ منصوبہ بندی کو ہدایت کی کہ قیمتی پتھروں کی پراسیسنگ اور برآمدات بڑھانے کے لیے فوری طور پر ایک عملی لائحہ عمل تیار کیا جائے۔ انہوں نے مراکز کے قیام میں مکمل شفافیت اور مقامی آبادیوں کو شراکتی منصوبوں میں شامل کرنے پر بھی زور دیا۔

شہباز شریف کا کہنا تھا کہ پاکستان قیمتی پتھروں کی دولت سے مالا مال ہے، اور اگر اس شعبے کو جدید خطوط پر استوار کیا جائے تو یہ ملکی زرمبادلہ میں اضافے کا بڑا ذریعہ ثابت ہو سکتا ہے۔